Schtärneföifi-Single "Wieso isch Züri so beliebt?"

*** auch als Bonus-Track auf der neuen CD «WÄLTBERÜEMT» ***

--> Download: «Wieso isch Züri so beliebt?» (mp3, 192kBit/s, 5MB)
(gratis!)

*****
Der neue Song von Schtärneföifi wurde im Rahmen des Publikums-Wettbewerbs "Wir leben Zürich" im Auftrag der Stadt Zürich produziert. Und wird damit zum «authentischen Züri-Song»!

Wieso isch Züri so beliebt?
(Text & Musik: Schtärneföifi)

Wieso isch Züri so beliebt? Wieso isch Züri so beliebt?

Sogar eusi Busschofföre sind für ihre Charme bekannt
Netti Billetkontrollöre säged „Grüezi mitenand“
Triffsch hilfsbereiti Herzchirurge, schtubereini Hünd
Züri isch, wie wämmer jede Tag im Lotto günnt

Vo Gämf bis uf St. Galle, und vom Wallis bis an Rhii
Alli möchted eifach möglichscht nöch bi Züri sii
Jede Mänsch wo Züri kännt, dä cha das guet verschtah
En Basler wo uf Züri chunnt, möcht nie meh furt vo da

Isch es wägem Züritüütsch, oder a was liits?

Wieso isch Züri so beliebt? Wieso isch Züri so beliebt?
So beliebt i de ganze Schwiiz
Wieso isch Züri so beliebt? Wieso isch Züri so beliebt?

Züri, das isch ETH, Flughafe und Zoo
Und s’Tram bringt eim vom Tanzkurs diräkt is Färnsehschtudio
Züri isch da wo mir läbed, Züri schlaft nöd ii
Was z’New York hüt zabig los isch, das isch bi eus scho geschter gsi

Züri, das isch s’Tor zur Wält für Chur und s’Ämmital
Es heisst, wämmer’s z’Züri schafft, dänn schafft mer’s überall
Alli wänd uf Züri, triffsch au mänge blöde’n Aff
Züri isch e Fäschthütte, und Züri isch es Kaff

Es git nöd numme Bankdiräkter, s’git au chliini Löhn
Und d’Hüüser ufem Züriberg sind au vo usse schön
S’git nöd numme Cocinase, s’git au Hürlimaa
Chasch mit fremde Lüüt schpontan Diskussione ha

Wieso isch Züri so beliebt? Wieso isch Züri so beliebt?
So beliebt ide ganze Schwiiz (Züri, Züri, nume Züri)
Wieso isch Züri so beliebt? Wieso isch Züri so beliebt?
So beliebt ide ganze Schwiiz (Züri, Züri, nume Züri)
Wieso isch Züri so beliebt? Wieso isch Züri so beliebt?

Isch es wäg de nette Lüt oder wägem See?
Nei das isch nöd alles, Züri büütet no vill meh

Di Wälsche glaubed Züri seg no grösser als Paris
Und d’Berner meined Züri segi d’Hauptschtadt vo de Schwiiz
Me isch zwar gärn bescheide und bildet sich nüüt ii
Aber wänn das alli meined, wird’s dänk au so sii

Wieso isch Züri so beliebt?
Wieso isch Züri so beliebt?
Wieso isch Züri so beliebt?
Wieso isch Züri so beliebt?
Wieso isch Züri so beliebt?

*****

Download Cover (Artwork: Jürg Steiner) als jpg

*****

(c) 2008 Schtärneföifi